ASSOCIATION
pour la DÉFENSE du
PATRIMOINE COMMUNAL du pays d'Annot
(04240)
-
- Qu'est
ce que l'ADPC ?
- Les rues et les places
- Les édifices et les monuments
- A deux pas d'ici...
- Au XXIème siècle
- Les templiers à ANNOT
- Noël à ANNOT
- Cartes
postales NB
- ✩=
Ctrl + D
Carte
de Antoh - 1042
Evangelica
auctoritas et divina sunt precepta pro terrenis celestia, pro
transitoriis æterna, debere adquiri.
Quapropter
nos Pontius Silvanus et Huguo et Guilelmus atque Milo, cum uxore sua et
filiis suis Heldeberto et Milo et Petro, Constantino, Pontio et
Guilelmo ; Jonam et fratres ejus Pontius Sulpicius, et uxor sua
Gerunda, cum filiis suis Guidone, Bertranno, Leontio, Grifone et
Pontio; Hermenrincus de Anoth et frater ejus Pontius; et Antoninus,
Girunculus, Autrannus, Pontius et Atanulfus, et mater eorum Ermengarda
; omnes nos, pro redemptione animarum nostrarum et genitorum ac
genitritium omniumque parentum nostrorum, et ut omnipotens Deus det
nobis remissionem omnium peccatorum nostrorum, donamus aliquid de alode
nostro omnipotenti Deo et sancti Victoris martiris monasterio
Massi¬liensi, monachis quoque ibidem Deo servientibus , tam presentibus
quam futuris, ecclesiam scilicet in onore sancti Pontii martiris
dicatam, que est sita in territorio qui vocatur Sigumanna.
Et
sunt termini hujus donationis : ab oriente, sicut rivus decurrit de
Cala et vergit per meridiem in flumen Vaira ; ab occidente, flumen
Vaira usque in rivum Tribulum ; ab aquilone, de ipso rivo Tribulum
usque in penna de Roca Rufa usque in Lara, et, per verticem de Lara,
usque in serretum de ipso campo de Ricardo, et vergit usque in
supradictum rivulum; et, supra vinea de Nitardo, erram Pontii Silvanni,
pro qua accepit duas equas, unam de monasterio et aliam que fuit de
Martino monacho.
SANCTI
VICTORIS
Et adjicimus ad supradictum donum ego Pontius et frater meus Hugo, cum
uxoribus et filiis nostris , Pontius Silvanus, Petrus Boxera,
Guilelmus, Vidianus, Guigonus et Hugo, nos donamus, de alode nostro,
una pecia de terra que est in territorio de Desomena, et fuit de manso
de Benedicto: de uno latus, terra que est de Adalbert Fabre et de
Enguberto; de alio latus, terra de Folcardo.
Deorsum
vero, ipsa terra de Gausberto Armanno, unum clausum de vinea Crom,que
est dominicata; Wilelmus, nepos noster, vineam quam partitur cum
Asterio; et ego Jonam, cum uxore mea et fratre meo Pontio et filiis
nostris, medietatem de campo ubi vocant Ruptam, et unam partem de ipso
prato ubi vocant Celleta, et vineam de Vitali et de Amalrigo, et aliam
vineam dominicam ad Ceresarios, et vineam de Nitardo, aliam de Pontio
Abiel, et vinea de Adalbert, et fontem qui vadit ad ortum, et aliam
vineam que partitur cum Nitardo; et Milo, vineam quam partitur cum
Guilaberto ; et Martinus presbiter, vineam suam; et Sulpitius, cum
uvore sua Girenda, unam modiatam de terra in monte Tribulario, et aliam
terram quam comparaverunt de alodariis in Sigumanna, vineam de
Bertranno Paladino. et aliam vineam de Garnerio cognomento Taman.
Geronda
quoque predicta, consanguinea nostra, et filii ejus Wido et Leontius
Bertrannus et Grifo Pontius, supra bec, pro animabus suis, donat ad
proprium alodem jam dicto sancto Victori et monachis ejus totam terram
cultam et incultam, que jacet infra cumbam , que ferit in Vaira et viam
de castro Perisco, et blacheiram ipsius sancti Victoris.
Nos
insuper quoque totam ipsam terram cultam et incultam, quam Richardus,
noster caballarius, cum concilio nostro,cambiavit per vineam quam
habebat donatam ad sanctum Victorem et ad sanctum Pontium, pro anima
mulieris sue, ad proprium alodem , donamus sancto Victori.
Hermemincus
dat, pro anima sua, et frater suus Pontius, et Antoninus et Autranus
donave¬runt tres partes de terra de Berleto, que fuit de manso Primo et
prato de balma de Cainera et terra juxta prato, quantum pendit Ves
robina.
Hec
igitur omnia, sicut supra scriptum est, nos supradicti donatores
propter celestes promissiones et peccatorum nostrorum remissiones, et
ut monachi sint apud Deum pro nobis intercessores donamus, cedimus
atque funditus, perpetualiter, subnixa firmitate, roboramus in liberam
potestatem supradictorum monachorum ad servitium Dei omnipotentis et
omnium sanctorum, precipueque sancti Victoris ejusque sotiorum.
Sane
si quis contra hanc donationem elemosinariam in causam nisus fuerit
insurgere contrariam, non valeat vindicare quod appetit; sed
constrictus
in vinculis cogatur auri optimi libras solvere xx et insuper cum Juda
traditore et cum Pilato, Christicrucificxore, penas luat eternas, nisi
cum satisfactione resipiscat ad emendationem.
Nos
ergo supradicti donatores hanc cartam fieri jussimus manuque propria
firmamus, atque testes idoneos firmare rogavimus.
Hermerincus de Annot firmavit, Teubaldus firmavit, Altemannus firmavit,
Laugerius firmavit, Rainaldus firmavit, Pontius de Calia firmavit,
Armannus firmavit, Pontius Murator firmavit, Ricardus firmavit,
Aldebertus firmavit, Guido firma¬vit, Ainardus firmavit, Alter Ricardus
firmavit, Asterius firmavit, Vido de Salsas firmavit, Ripertus
firmavit, Leotaldus firmavit, Rainaldus firmavit, Julianus firmavit,
Petrus firmavit, Hermenrincus de Anoth donat ad sanctum Victorem et ad
sanctum Pontium unam peciam terra juxta pratum juxta balma Caneira, in
villare de Almald.
Johannes
Garnerius, quatuor sexteratas de terra, in Vila Crispa.
Ipse
Johannes, la media rota, in Desomena, que habet ab lsnardo Barnerio.
Lambo de Peresco, una pecia de terra in Desomena. Antoninus, medietate
de prato de Berleto.
Gaslinellus
in super nomine donavit Stephanum Raiambaldum ad sanctum Pontium, omnia
que habet. Et Jonamus et Aialmus et Bonefacius et Odolus et Petrus et
Jonamus frater donaverunt Lauterio et muliere sua Belielda et filiis et
filias, que habent, a Deo et a sancta Maria et ad omnibus sanctis, sine
ullo retinemento.
Ego
Pontius Silvanus, pro remedio anime mee et pro animabus parentum
meorum, dono Deo et sancto Victori, Massiliensis monas¬terii, martiri
Christi, et ejus congregationi duos mansos, unum in villa quam nominant
Alons, quem tenet Girardus Pecia Cudas, et alium in castro quod
nominant Petriscum, quem tenet Abundius.
Facta
carta anno incarnationis Domini MXLII
